வாழைப் பூ வடை சாப்பிடும் போது வெளியில் மொறு மொறுவென்றும் உள்ளே மிக மென்மையாகவும் இருக்கும். வாழைப் பூ மற்றும் கடலைப் பருப்பு கொண்டு இந்த வடை செய்யப்படுகிறது.எண்ணெயில் போட்டு பொரித்தெடுத்து சுடச்சுட சட்னியுடன் தொட்டு சாப்பிடும் போது அதன் சுவையே அலாதி தான். இந்த தென்னிந்திய உணவு தீபாவளி, கார்த்திகை தீபம் போன்ற முக்கிய விழா நாட்களில் செய்யப்படுகிறது. இது சுவையாக இருப்பதோடு மட்டுமல்லாமல் உடல் ஆரோக்கியத்திற்கு நல்லதும் கூட. சரி வாங்க இந்த ரெசிபியை எப்படி செய்யலாம் என்பதை பார்ப்போம்.